ស្របជាមួយនិងការប្តេជ្ញាចិត្តរបស់ក្រុមហ៊ុនចំពោះការជ្រើសរើសពលករប្រកបដោយក្រមសីលធម៍ ក្រុមហ៊ុន CP Group កំពុងស្វែងរកសេវាកម្មជ្រើសរើសពលករចំណាកស្រុកពីទីភ្នាក់ងារក្រុមហ៊ុនជ្រើសរើសពលករដែលមានអាជ្ញាប័ណ្ណនិងបានចុះបញ្ជីនៅព្រះរាជាណាចក្រកម្ពុជាឬសាធារណរដ្ឋសហភាពមីយ៉ាន់ម៉ា។ ក្រុមហ៊ុន CP Group តម្រូវឱ្យភ្នាក់ងារជ្រើសរើសពលករដែលចាប់អារម្មណ៍ទាំងអស់ដែលទទួលបានអាជ្ញាប័ណ្ណនៅក្នុងប្រទេសទាំងពីរនេះដាក់ពាក្យសុំចូលទៅក្នុងដំណើរការដេញថ្លៃដោយបើកចំហដើម្បីធានាបាននូវតម្លាភាពនិងយុត្តិធម៌នៅគ្រប់ដំណាក់កាលនៃដំណើរការជ្រើសរើសពលករ។

       ដំណើរការក្នុងការដេញថ្លៃដោយបើកចំហ ក្រុមហ៊ុន CP Group បានរួមបញ្ចូលនៅកម្រងសំណួរវាយតម្លៃដែលបំពេញដោយទីភ្នាក់ងារជ្រើសរើសពលករដោយយកចិត្តទុកដាក់លើបេក្ខជនក៏ដូចជាអភិវឌ្ឍន៍ កម្មវិធីណែនាំ និងពង្រឹងសមត្ថភាពសម្រាប់ភ្នាក់ងារដែលបានជ្រើសរើស ដើម្បីបង្កើនសមត្ថភាពដែលពួកគេមានស្រាប់អោយកាន់តែរឹងមាំបន្ថែមទៀត។

       ភ្នាក់ងារជ្រើសរើសពលករដែលមានចំណាប់អារម្មណ៍ត្រូវរក្សានូវការអនុវត្តអោយបានខ្ជាប់ខ្ជួនដើម្បីការពារការកេងប្រវ័ញ្ចនិងបង្ខិតបង្ខំកំលាំងពលកម្មដែល កើតឡើងក្នុងអំឡុងពេលដំណើរការជ្រើសរើសពលករ ​​​និងត្រូវគោរពតាមក្រមសីលធម៌អាជីវកម្មរបស់ក្រុមហ៊ុន CP Group គ្រប់ពេល ប្រសិនបើពួកគេត្រូវធ្វើការជាមួយក្រុមហ៊ុនក្នុងការផ្តល់សេវាកម្មជ្រើសរើសពលករ។